கண்ணாடி பாட்டிலில் சாக்குப் பைக் கொண்டு செய்த பூஜாடி

அரிசித் துணிப் பையில் எப்படி விதவிதமாக பூ அலங்காரம், மணி அலங்காரம், மணி மாலை, செய்ய முடியுமோ, அது போல அரிசி சாக்கு பை கொண்டும் வித்தியாசமான அலங்காரங்கள் செய்யலாம். நான் சாக்கு பையை மெல்லிய நீளத் துண்டுகளாக வெட்டி, பூக்கள் மற்றும் பூஜாடி அலங்காரம் செய்ய முயற்சித்துள்ளேன். நான் எவ்வாறு செய்துள்ளேன் என்ற செய்முறையை இங்கே கொடுத்திருக்கிறேன். இதன்செய்முறையை வீடியோவாக பார்க்க இங்கே சொடுக்கவும்.

தேவையான பொருட்கள்:  

* கண்ணாடி பாட்டில் (நான் BRU பாட்டில் உபயோகப்படுத்தி உள்ளேன்
* சாக்குப் பை
* பசைத் துப்பாக்கி (hot glue gun)
* பெயிண்ட்ஸ் (acrylic paints)
* அலங்கரிக்க: அலுமினியம் பாயில் (aluminium foil - பிரியாணி ஹோட்டல் பார்சல் மீது மூடி இருக்குமே அது), மணிகள்
* கத்தரிக்கோல்

செய்முறை:

கண்ணாடி பாட்டிலின் மூடியை எடுத்துவிடவும்.
சாக்கு பையினை நீல நீலத் துண்டுகளாக (அகலம் கம்மியாக) வெட்டி வைக்கவும்.

ஒவ்வொரு துண்டையும் கீழிருந்து மேலாக சுற்றிக் கொண்டே பசைத் துப்பாக்கி கொண்டு ஒட்டவும்.

சாக்குப் பை பூக்கள் செய்வதற்கு கீழே கொடுக்கப் பட்டுள்ள படங்களை பார்க்கவும்.

 சாக்குத் துண்டின் ஒரு முனையை  வளைத்துப் பிடித்துக் கொண்டு சுற்றி, பின்பு ஒரு திருப்பு, ஒரு சுற்று, என்று தளவு முனை வரும் வரை செய்யவும்.

 முனையை பசைக் கொண்டு ஒட்டி விடவும்.

சாக்குப் பூக்களை உங்களுக்கு வேண்டிய வடிவில் ஒட்டி, கலர் செய்யவும்.

அலுமினியம் பாயில் கொண்டு அழகான உருண்டை மணிகள் செய்யலாம். அதன் செய்முறை கீழே உள்ள படங்களில்...

 பாயிலை நீலத் துண்டுகளாக கத்தரித்து, அப்படியே உருட்டி, மெல்லிய குச்சி போல கொண்டு வரவும். ஒருத் முனையை ஒரு குச்சியில் சுற்றி, பிசிறாமல், உருண்டை வடிவில் சுற்றி, கடைசி முனையை ஒட்டிவிடவும்.

பாயில் மணிகளையும், வேறு கலர் மணிகளையும் கலந்து இடைவெளி விட்டு ஒட்டவும்.

இப்போது பாட்டிலின் உள்ளே, clay அல்லது மணல் நிரப்பி அதில் பூக்களை செருகி வைத்தால், அழகான பூ ஜாடி ரெடி!

காய்ந்த இலைகள் கொண்டு செய்த பூக்குவளை

காய்ந்த இலைகளைக் கொண்டு பல விதமான கைவினைகளைச் செய்யலாம். கூர் கூரான இலைகளாக இருந்தால் உபயோகமாக இருக்கும். எடுத்துக்காட்டாக தைல மர இலைகள். இந்த இலைகள் காய்ந்தால் சுருங்குவதில்லை. கொஞ்சம் நேராக விறைப்பாகவும் இருக்கும். நான் தைல இலைகளை வைத்துதான் இந்த பூக்களைச் செய்திருக்கிறேன்.

தேவையான பொருட்கள்:

* காய்ந்த தைல மர இலைகள் அல்லது அது போன்ற சுருங்காமல் இருக்கும் வேறு இலைகள்

* பெயிண்ட்ஸ் (acrylic paints)
* பெயிண்ட் brush
* இன்ஸ்டன்ட் க்லு (glue) அல்லது பசைத் துப்பாக்கி
* கடுகு
* கத்தரிக்கோல்
* மெல்லிய குச்சிகள்

செய்முறை:

* முதலில் காய்ந்த இலைகளின் காம்பு மற்றும் நுனிப் பகுதிகளை வெட்டி விடவும்.

* பிறகு பூவின் இதழ் போல வெட்டிக் கொள்ளவும்.

* குச்சியின் நுனியில் இலை இதழ்களை ஒவ்வொன்றாக சுற்றி ஒட்டவும்.

* நடுவில் பசை வைத்து கடுகு தூவி அழுத்தி விடவும்.
* பின்பு பூவின் கீழே குச்சியில் ஆங்காங்கே சிறு இலைகளை ஒட்டவும்.
* பூவிற்க்கு தகுந்த வண்ணம் தீட்டவும்.

* இலைகளுக்கும் குச்சிக்கும் பச்சை நிறம் கொடுக்கவும்.
* இதே போல 8-10 பூக்கள் செய்து, ஒரு பாட்டில் வாஸில் sponge அல்லது clay நிரப்பி, குச்சிகளை அதில் செருகி வைக்கவும்.
* பாட்டில் வாஸ் செய்வதற்க்கு வீணான பிளாஸ்டிக் தண்ணீர் பாட்டிலை அடியில் இருந்து 5 cm length வைத்து, இரண்டாக வெட்டி எடுத்து, கீழ் பகுதியை பெயிண்ட் செய்து மணிகள் அல்லது வீட்டில் உள்ள பொருட்களைக் கொண்டு அலங்காரம் செய்தால் போதும், சூப்பராக இருக்கும்.

அவ்வளவுதான் வேலை முடிந்தது. நிச்சயம் உங்களுக்கு இந்த பூகுவலையை மிகவும் பிடிக்கும்.
                                               நன்றி!